Уучлалт гуйх хэцүү. Хэн нэгнийг аргадах , гуйх гэдэг бүр хэцүү. Гэхдээ бие биендээ гомдсон сэтгэл гэдэг улам тунирхаж хоёр зүг рүү салан зүтгэдэг гэлтэй.

Найз минь бидний хувьд урт удаан хугацааны нөхөрлөл байхгүй ч гэлээ гунигласан үед томоогүй үгс чинь сэтгэл сэргээж , баярласан үед цугтаа дэврэх хүч байдаг юм шүү. Өөр бусад хүн намайг тоглоомоор хэлсэн байсан ч би тэр үгэнд бухимдан уурладаг бол чи намайг юу ч гэж хэлсэн би тэр үгэнд чинь инээдэг. Тиймдээ ч чамд ч гэсэн гуниг бүү байгаасай гэж хүсдэг юм шүү. 

Найз минь минь миний үгийг ганцхан удаа л сонсооч. Би чамд дахин энэ тухай хэлэхгүй. Харамсахаар зүйл битгий хийгээч. Түүнтэй дахин сайн ярилцаад , түүнийг ойлгохыг хичээгээч. Үгүй ээ чи ойлгож чадна. Түүнийгээ санаад бэтгэрч үхэх шахаж байгааг чинь дэргэд чинь биш ч гэлээ хэлсэн үг бүрээр чинь би мэдэрдэг. Тэр ч мөн адил.

Зүгээр л бие биендээ гомдсон сэтгэлээр шидэлж байгаа тэр муухай үгсээ болиод хэн хэнийхээ чин сэтгэлийг мэдрэх гээд хичээгээд үзээчдээ. Хайр гэдэг цагийн аясанд улам бэхжиж , ухаажиж байдаг гэдэг. Түр зуурын болчимгүй сэтгэл , гомдлоор насан туршдаа харамсах зүйл битгий хийгээрэй. Хайраас хайр л төрдөг. Чиний сайхан хайрыг тэр ч бас хайрлаж чадна гэдэгт би итгэлтэй байна.  

ЛуЗа 

Намайг ч бас мэссэнжэрээсээ игнордчиж гэж бодоод энэ бичлэгийг үйлдэв